18.11.2008
У Мінску збітая зборшчыца ахвяраванняў на царкву


47-летні хуліган збіў добраахвотную памагатую па зборы ахвяраванняў адной з праваслаўных цэркваў.

Жыхар Гомелю ў сталіцу прыехаў на лячэнне. Раніцай на выхадзе з станцыі метро “Плошча Леніна” заўважыў жанчыну, якая збірала ахвяраванні для царквы. Яна яму чамусьці не спадабалася. Нічога не кажучы, гамяльчанін падышоў да 76-летняй жанчыны і стукнуў яе нагой у спіну. Пацярпелай дапамаглі падняцца двое мужчын, пасля іх на дапамогу падышлі дзве прыбіральніцы. Хуліган пастаяў трохі ў старонцы, але не супакоіўся. Ён вырашыў, што бабульку стукнуў слаба. “Трэба бы дадаць,” — падумаў ён. Узяў у рукі бутэльку з-пад піва, якая стаяла на зямлі. Замахнуўся. Жадаў ёю стукнуць бабулю, але зламысніка спынілі прыбіральніцы. Калі той паспрабаваў схавацца, жанчыны звярнуліся да патрулюючага плошчу Незалежнасці міліцыянера. Хуліган быў затрыманы на прыпынку на вуліцы Бабруйскай. Узбуджана крымінальная справа за злоснае хуліганства.

"Вячэрні Мінск"

18-11-2008